प्रदेश ७ का मुख्यमन्त्री त्रिलोचन भट्ट बिरामी !

प्रदेश ७ का मुख्यमन्त्री त्रिलोचन भट्ट बिरामी परेका छन् । बिरामी उनको आफ्नै निवासमा उपचार भइरहेको छ । मंगलवारदेखि नै ज्वरो आउने, पेट र जिउ दुख्ने समस्या देखिएपछि भट्टलाई बुधवार विहानै उपचारका लागि धनगढीको सेती अञ्चल अस्पतालमा लगिएको थियो । अस्पतालमा विशिष्ट व्यक्तिका लागि ‘राम्रो बेड’को व्यवस्था नभएको भन्दै निवासमा ल्याएर उपचार थालिएको हो।

सेती अञ्चल अस्पतालका आकस्मिक कक्षका इन्चार्ज कृष्ण बहादुर बोहराले भने, ‘मुख्यमन्त्री भट्ट बिहानै अस्पताल आउनुभएको थियो । अस्पतालमा राम्रो वेड नभएपछि उहाँकै निवासमा उपचार सुरु गरिएको छ।’

इन्चार्ज बोहरानै मुख्यमन्त्रीको उपचारका लागि निवासमा गएका थिए । ‘चेकजाचको क्रममा ज्वरो आउने, पेट र जिउ दुख्ने समस्या देखिएको छ । रगत र पिसाव जाँचका लागि पठाएका छौं । उहाँलाई सलाइन लगाएर राखेका छौं । ल्याब जाँचको रिपार्ट आएपछि उहाँको थप उपचार थालिनेछ,’ उनले भने।

उनको अल्ट्रासाउण्ड गर्नुपर्ने भएपनि विहानै मुख्यमन्त्री भट्टले खाजा खाएका कारण विहिवार मात्रै गरिने उनले जानकारी दिए।

 

बुध, असार १३, २०७५ मा प्रकाशित सुनौलो नेपाल अनलाइनद्वारा संचालित सुनौलो नेपाल टी. भीसंग प्रत्यक्ष जोडिन यहाँ क्लिक गर्नुहोस