सकियो नेकपाको बैठक अध्यक्षको प्रतिबेदन परिमार्जन सहित पारित !

अध्यक्षद्वय केपी शर्मा ओली र पुष्पकमल दाहाल (प्रचण्ड) ले पेश गरेको राजनीतिक–सांगठनिक प्रतिवेदन नेकपा स्थायी समिति बैठकले परिमार्जन सहित पारित गरेको छ।शुक्रबार बिहान बसेको बैठकले स्थायी समितिका सदस्यहरुले व्यक्त गरेका सुझाव र विचारलाई समेट्ने गरी परिमार्जनका साथ पारित गर्ने निर्णय गरेको हो।

बैठकपछि प्रवक्ता नारायणकाजी श्रेष्ठले बताए अनुसार केन्द्रीय सचिवालयले अध्यक्षद्वयको प्रतिवेदनलाई परिमार्जनको काम गर्नेछ।बैठकले पुष मसान्तभित्र पार्टीको सांगठनिक एकिकरणको काम सम्पन्न गर्ने निर्णय गर्दै त्यसका लागि ८ सदस्यीय कार्यदलको गठनपनि गरेको छ।

कार्यदलमा महासचिव बिष्णु पौडेल, रामबहादुर थापा, शंकर पोखरेल, बर्षमान पुन, योगेश भट्टराई लेखराज भट्ट, सुरेन्द्र पाण्डे र बेदुराम भूषाल छन्।कार्यदलले पुष मसान्तअघि नै सांगठनिक एकिकरण सम्बन्धी सुझाव प्रतिवेदन पेश गर्ने र स्थायी समिति बैठकपनि बसेर आवस्यक निर्णय गर्ने प्रवक्ता श्रेष्ठले बताए।स्थायी समितिको हिजोको बैठकमा के के विषय परिमार्जन गर्ने भन्ने सम्बन्धी यकिन नभएका कारण प्रतिवेदन पारित हुन सकेको थिएन।

 

शुक्र, पुस १३, २०७५ मा प्रकाशित सुनौलो नेपाल अनलाइनद्वारा संचालित सुनौलो नेपाल टी. भीसंग प्रत्यक्ष जोडिन यहाँ क्लिक गर्नुहोस