काठमाडौं । विश्वका प्रमुख सञ्चारमाध्यमका वेबसाइटमा मंगलबार समस्या उत्पन्न भएकाे छ । केही सञ्चारमाध्यमकाे सेवासमेत अवरुद्ध बन्न पुगेको छ ।

फाइनान्सियल टाइम्स, न्युयोर्क टाइम्स र ब्लूमवर्ग न्युजको वेबसाइटकाे सेवा अवरुद्ध बन्न पुगेको हो । सीएनएन बीबीसीलगायतका केही सञ्चारमाध्यमकाे सेवामा भने केही समस्या देखिएकाे छ । 

बेलायतको गार्डिजन पत्रिकाले आफ्नो वेबसाइट र एप प्रभावित बनेको उल्लेख गरेकाे छ । सञ्चारमाध्यमकाे सेवा अवरुद्धबारे केही मानिसहरुले ट्वीटरमा जिज्ञासा पनि राखेका छन् । अन्य केही बेलायती मिडिया वेबसाइटमा पनि समस्या देखिएको बताइएकाे छ ।

सञ्चारमाध्यमका वेबसाइटहरुको सेवा अवरुद्ध किन भयाे भन्ने बारेमा अहिलेसम्म केही जानकारी बाहिरिएकाे भने छैन ।