जनकपुर । नेकपा (माओवादी केन्द्र)का केन्द्रीय सदस्य महादेव यादवको मृत्यु भएको छ । तीनवर्षदेखि क्यान्सर रोगबाट पीडित यादवको ५७ वर्षको उमेरमा गएराति आफ्नै निवास जनकपुरधाम उपमहानगरपालिका १४ मुजेलियामा मृत्यु भएको हो ।
नेपाल तथा भारतका विभिन्न अस्पतालमा उपचार गराउँदा पनि निको नभएपछि चिकित्सकको सल्लाहमा नेता यादव आफ्नै निवासमा बस्दै आएका थिए । उनको मंगलबार नै पार्टीको झण्डा ओढाएर स्वर्गद्वारीमा अन्त्येष्टि गर्ने तयारी छ ।
उनलाई श्रद्धाञ्जली दिन नेकपा माओवादी केन्द्रका अध्यक्ष पुष्पकमल दाहाल (प्रचण्ड), मातृका यादवसहितका शीर्ष नेताहरु जनकपुर जाने भएका छन् ।
साविक धनुषाको सहिद नगरनगरपालिका १ बालाबाखका नेता यादवले तत्कालिन माओवादीको जनयुद्धमा सुरुदेखि नै सहभागी भएर महोत्तरी, धनुषा र सिरहाको कमाण्ड सम्हालेका थिए ।