महोत्तरी। हत्या भएकाे ३८ दिनपछि महोत्तरीकी सुजिता ठाकुरको शव भेटिएको छ।
जेठ १९ देखि बेपत्ता भएकी महोत्तरीकी सुजिताकाे शव प्रदेश २ प्रहरी कार्यालय जनकपुर र महोत्तरी प्रहरीले शौचालयको ट्याङ्कीबाट निकालेको हो ।
यसअघि असार १३ गते सुजिताले लगाएको लुगासहित शरीरका अवशेष शव भेटिएको स्थानबाट करिब एक किलोमिटरको दुरीमा रहेको खेतमा भेटिएको थियो । शव पोष्टमार्टमको लागि प्रादेशिक अस्पताल जनकपुर पठाइएको छ ।
उनको जेठ २० गते परिवारकै सदस्यले हत्या गरेकाे आरोप लागेको छ । सुजिताको हत्याबारे उनकै पाँच वर्षिय छोराले खुलासा गरेपछि प्रहरीले अनुसन्धान थालेको थियो ।
सुजिताको हत्या आरोपमा प्रहरीले श्रीमान मुकेश ठाकुर र देवर रूपेशलाई त्यही दिन पक्राउ गरेको छ । सुजिताकी सासू, ससुरा पतिराम र देउरानी रोमा भने फरार छन् । उनीहरुको खोजी भइरहेको प्रहरीले जनाएको छ ।