काठमाडौं ।  ‘हामी नेपाली हामी गोर्खाली’ शीर्षकको राष्ट्रिय गीतको  भिडियो सार्वजनिक भएको छ । गीत सुरेश राज पाठक, मधुसुदन थापा मगर र ममता गुरुङको स्वरमा रेकर्ड भएको हो ।

कल्पना आङबुहाङको रचना रहेको गीतमा अशोक कुमार राईको संगीत छ । नेपाल चलचित्र कलाकार संघ यूकेको प्रस्तुतिमा तयार भएको म्युजिक भिडियोको छायांकन बेलायत भएको हो । 

गीतको म्युजिक भिडियोमा रोमियन लिम्बु, ध्रुब दत्त, सिर्जना निलेगंखु, आस्था जोशी, दीपक मैथाने मगर, सन्तोष राई, सन्तोष राई, परशुराम राई, कुमुद पन्त, प्रतिमा दुराज र इन्दु लिम्बुको अभिनय समेटिएको छ ।

कुशल श्रेष्ठले छायांकन र सम्पादन गरेको भिडियोको निर्देशन सन्तकुमार राईले गरेका हुन् । दिलु थापाको कोरियोग्राफी रहेको भिडियोमा नवीन निरौलाको कलर गरेका छन् ।