काठमाडाैं । बागमती प्रदेशकी मुख्मन्त्री अष्टलक्ष्मी शाक्यले मन्त्रिपरिषद् विस्तार गरेकी छन् ।

बुधबार उनले ६ मन्त्री र ४ जना राज्यमन्त्री नियुक्त गरेकी हुन् । नियुक्त भएका मन्त्रीहरुमा विजय सुवेदी, अजयक्रान्ती शाक्य, रचना खड्का, प्रदिव कटुवाल, शान्ति प्रसाद पौडेल र चन्द्र लामा रहेका छन्।

सुवेदीलाई सामाजिक विकास मन्त्रालय, शाक्यलाई आन्तरिक मामिला मन्त्रालय, खड्कालाई अर्थ, कटुवाललाई स्वास्थ्य, पौडेललाई उद्योग र लामालाई कृषि मन्त्रालयको जिम्मेवारी दिइएको छ ।

यस्तै, जुनेली माया श्रेष्ठ, बद्री मैनालीलाई, जीवन खड्का, र सरस्वती वाटीलाई राज्यमन्त्रीमा नियुक्त गरिएको छ ।

भदौ २ मा बहुमतका आधारमा मुख्यमन्त्री बनेकी शाक्यको सरकार अहिले अल्पमतमा परिसकेको छ । अल्पमतमा परिसकेकाे सरकारले मन्त्रिपरिषद् विस्तार गरेकाे हाे ।

एमाले विभाजन भएर नेकपा (एकीकृत समाजवादी) गठनसँगै अल्पमतमा परेकी शाक्यले बुधबार १० जनालाई मन्त्री बनाएसँगै मन्त्रिपरिषद्को संख्या १२ पुगेको छ।