काठमाडौं । पछिल्लो २४ घण्टामा देशभर एक हजार ५६२ जना कोरोना भाइरस (कोभिड–१९) संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार १४ हजार ४४३ नमुना परीक्षण गर्दा उक्त संक्रमित थपिएका हुन् । पछिल्लो २४ घण्टामा कोरोनाका कारण थप १९ जनाको मृत्यु भएको छ । एक हजार ५८९ जना निको भएका छन् ।
मन्त्रालयका अनुसार पछिल्लो २४ घण्टामा कोरोना संक्रमण दर १०.८१ प्रतिशत छ । तर, देशव्यापी औषत संक्रमण दर १९.३ प्रतिशत रहेको छ । सक्रिय संक्रमित संख्या मंगलबारसम्म २६ हजार २०२ पुगेको छ ।
पछिल्लो २४ घण्टामा ८८ हजार १८४ जनाले कोभिडविरुद्धको खोप लगाएका छन् । कोरोनाका कारण कूल मृत्यु संख्या १० हजार ९८४ पुगेको छ । कूल संक्रमित संख्या ७ लाख ७९ हजार पुगेको मन्त्रालयले जनाएको छ ।