काठमाडौँ। नेकपा (एकीकृत समाजवादी)ले सुदूरपश्चिम संसदीय दलको नेता चयन गरेको छ। भौतिक पूर्वाधार विकास मन्त्री दीर्घबहादुर सोडारीलाई नेकपा (एस)ले सुदूरपश्चिम संसदीय दलको नेतामा चयन गरेको हो।
मंगलबार बसेको संसदीय दलको बैठकले सोडारीलाई सर्वसम्मत संसदीय दलको नेता चयन गरेको हो। संसदीय दलको नेताको रुपमा पूर्ण जोशी र तारा तामाङले आकांक्षा देखाए पनि सोडारी सर्वसम्मत चयन भएका हुन्।
संसदीय दलको बैठकले दलको विधानसमेत पारित गरेको छ। बैठकले प्रमुख सचेतक, सचेतक लगायत पदाधिकारी भने चयन गर्न सकेन।