काठमाडौं । नायिका प्रियंका कार्की छाेरीकी आमा बनेकी छन् । उनले छोरीसहितको तस्विर बुधबार सामाजिक सञ्जाल फेसबुकमा सार्वजनिक गरेकी छन् ।

सामाजिक संजाल फेसबुकमा प्रियंका र पति आयुष्मान देशराज जोशीसहित शिशुको तस्बिर पोस्ट गरिएकाे छ । उनले छोरीको नाम आयन्का कार्की जोशी राखेकी छिन् । उनले तस्बिरकाे क्याप्सनमा छाेरीलाई स्वागत गरेकी छन् ।

नायिका कार्की गर्भवती भएपछि विभिन्न समयमा समाजिक सञ्जालमा सार्वजनिक भएका तस्बिरले चर्चा बटुलेका थिए । उनले सामाजिक संजालमा बेबी बम्प, बेबी सावरलगायतका तस्बिर पनि सार्वजनिक गरेकी थिइन् ।