काठमाडाैं । पछिल्लो २४ घण्टामा १ हजार ४७८ जनामा कोरोना भाइरस संक्रमण पुष्टि भएको छ ।
११ हजार ७६ पीसीआर परीक्षण गर्दा १ हजार २५१ जना र २ हजार ८६३ एन्टिजेन परीक्षण गर्दा २ सय २७ गरी १ हजार ४७८ जनामा कोरोना भाइरसको संक्रमण देखिएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा कोरोना संक्रमणबाट ६ जनाको मृत्यु भएको छ भने यही अवधिमा १ हजार ६३० जना संक्रमण मुक्त भएकाे पनि मन्त्रालयले जनाएकाे छ ।
नेपालमा सक्रिय काेराेना संक्रमितको संख्या २१ हजार १३९ जना रहेको छ । संक्रमितमध्ये १९ हजार ८०५ जना होम आइसोलेसनमा, १ हजार ३३४ जना संस्थागत आइसोलेसनमा, ३३४ जना आईसीयूमा र ११९ जना भेन्टिलेटरमा रहेका छन् ।