काठमाडौं । एभरेस्ट प्रिमियर लिग (इपीएल) टीट्वान्टी क्रिकेट प्रतियोगिता खेल्न पाकिस्तानका पूर्व कप्तान शाहिद अफ्रिदी बिहीबार नेपाल आइपुगेका छन् । 

चौथो संस्करणको इपीएलमा अफ्रिदीले काठमाडौं किङ्स–११ बाट खेल्दैछन् । काठमाडौंले यसअघिनै अन्तर्रष्ट्रिय खेलाडीको रूपमा अफ्रिदीलाई अनुबन्ध गरेको थियो । इपीएल क्रिकेट असोज ९ गतेदेखि असोज २३ गतेसम्म टियु क्रिकेट मैदान कीर्तिपुरमा हुँदैछ ।

४४ वर्षीय अलराउण्डर अफ्रिदीले पाकिस्तानका लागि सन् १९९६ देखि २०१८ सम्म खेलेका थिए । उनले पाकिस्तानका लागि २७ टेस्टमा १७ सय १६ रन र ४८ विकेट लिएका थिए। अफ्रिदीले ३ सय ९८ एक दिवसीयमा ८ हजार ६४ रन बनाउँदा ३ सय ९५ विकेट र टीट्वान्टीमा ९९ खेल खेल्दै १४ सय १६ रन र ९८ विकेट लिएका थिए ।