काठमाडाैं । दिल्लीकाे राेहीणी अदालत परिसरमा शुक्रबार गाेलीबारी भएकाे छ । भारतीय सञ्चारमाध्यमका अनुसार दिल्लीकाे माेस्ट वान्टेड ग्याङस्टार जितेन्द्र गाेगीकाे हत्या भएकाे छ । अदालत परिसरमा नै उनकाे हत्या भएकाे हाे । 

भारतीय सञ्चारमाध्यममा प्रकाशित रिपाेर्टका अनुसार गाेगी पेशीका लागि अदालतमा आएका थिए । त्यहीँ वकिलकाे भेषमा आएका २ जनाले गाेगीमाथि गाेली प्रहार गरेका थिए । त्यसपछि स्पेशल फाेर्सले जवाफी फायरिङ गरेकाे थियाे । जवाफी कारबाहीमा उक्त २ जनाकाे पनि मृत्यु भएकाे छ । 

उक्त गाेलीबारीमा अन्य तीन–चार जना घाइते भएकाे पनि समाचारमा जनाइएकाे छ ।

अदालतको २०७ नम्बर कोठामा उक्त घटना भएको थियो । गाेगीलाई न्यायाधीशसमक्ष पेश गर्दा एक्कासी गोली चलेको थियो । त्यहाँ भएका व्यक्तिहरू आत्तिएपछि भागदौड मच्चिएको थियो । जितेन्द्र गोगी सन् २०२० मार्चमा पक्राउ परेका थिए ।

मोस्ट वान्टेड ग्याङस्टर गाेगी हत्या, अपहरण र पुलिसमाथि हमला आदीमा सामेल हुँदै आइरहेका थिए । सन् २०२०काे मार्चमा पक्राउ परेपछि उनलाई जेलमा हालिएकाे थियाे । 

यस घटनामा मारिएका अन्य २ जनाकाे भने पहिचान खुलेकाे छैन ।

अदालतभित्र नै गाेलीबारी भएपछि सुरक्षा व्यवस्थाकाे आलाेचना भइरहेकाे छ । सामाजिक सञ्जाल प्रयाेगकर्ताले भारतका गृहमन्त्री अमित शाहलाई मेन्सन गरी प्रश्नसमेत गरेका छन् । 

गृह मंत्री @AmitShah जी कहाँ हैं?
देश की राजधानी में इतनी बड़ी वारदात।
न्याय के मंदिर में गोलियों की गूँज। pic.twitter.com/meLjMLgHCQ

— Sanjay Singh AAP (@SanjayAzadSln) September 24, 2021