काठमाडाैं । पछिल्लो २४ घण्टामा १ हजार ४ सय ७६ कोरोना संक्रमित थपिएका छन् । १५ हजार ६ सय ९० जनामा गरिएको परीक्षणमा १ हजार ४ सय ७६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएकाे हो ।
१० हजार ५ सय ७५ पीसीआर परीक्षण गर्दा १ हजार १०३ जना र ५ हजार ११५ एन्टिजेन परीक्षण गर्दा ३ सय ७३ गरी १ हजार ४७६ जनामा संक्रमण देखिएकाे हाे ।
यही अवधिमा ९ संक्रमितको मृत्यु भएको छ भने १ हजार ५ सय ५० जना निको भएर घर फर्किएका छन् । हाल देशभर २० हजार २ सय ८७ जना सक्रिय संक्रमित रहेको मन्त्रालयकाे तथ्यांक छ ।