काठमाडौं । व्यवसायिक घरानाका उद्योगपति वसन्त चौधरीलाई हृदयाघात भएको छ। दुवईमा होलिडे मनाउन गएका चौधरीलाई हृदयाघात भएको पारिवारिक स्रोतले जनाएको छ।
पारिवारिक स्रोतकाअनुसार चौधरी ३ दिनअघि छोरी र नातिनीसँगै होलिडे मनाउन दुवई गएका थिए । दुवईमै भएको अवस्थामा शुक्रबार चौधरीलाई ह्रदयघात भएको थियो । उनलाई दुवईको एक अमेरिकन हस्पिटलमा भर्ना गरिएको छ ।
डाक्टरले चौधरीको ओपन हार्ट सर्जरी गर्नुपर्ने सुझाव दिएका छन। चौधरी लामो समयदेखि मुटुका बिरामी रहेको परिवारिक स्रोतले जनाएको छ । चौधरी काठमाडौंको थापाथलीस्थित नर्भिक अस्पतालका सञ्चालकसमेत हुन्।