काठमाडौं । महिला अधिकारकर्मी कमला भासिनको निधन भएको छ । क्यान्सरको उपचार गराइरहेकी भासिनीको शनिबार बिहानै मृत्यु भएको हो । दक्षिण एसिया र भारतमा महिला अभियानका लागि उनले ठूलो योगदान गरेकी थिइन् । 

अधिकारकर्मी कविता श्रीवास्तवले ट्वीट गर्दै उनको निधनले महिला अधिकारको क्षेत्रमा ठूलो धक्का लागेको बताएकी छन् । भासिनको जन्म सन् १९४६ अप्रिल २४ मा भारतको राजस्थानमा भएको थियो । 

तीन दशकबढी विकास, शिक्षा र महिला अधिकारको क्षेत्रमा काम गरेकी उनले  १९७६ देखि २००१ सम्म संयुक्त राष्ट्र संघको फुड एन्ड एग्रिकल्चर अर्गनाइजेसनमा काम गरेकी थिइन् ।