काठमाडौं । नेकपा (एमाले)मा कार्यकारी पदमा दुई पटकभन्दा बढी रहन नपाइने र उपाध्यक्ष र सचिव ७–७ जना राख्नुपर्ने सुझाव दिइएकाे छ । शुक्रबारदेखि भइरहेकाे केन्द्रीय कमिटी बैठकमा विधान महाधिवेशनका लागि समूहगत छलफल गर्दा नेताहरुले यस्तो सुझाव दिएका हुन् ।
१० वटा समूह बनाएर तीन दस्तावेजमाथि छलफल भएको थियो । हाल प्रस्ताव गरिएको विधान संशोधन प्रस्तावमा उपाध्यक्ष ३ जना मात्रै राख्ने उल्लेख गरिएको छ ।
नेताहरुले फागुन २३ को फैसलापछि पनि एमालेमै रहेका पूर्व माओवादी नेताको जिम्मेवारी खोस्न नहुनेलगायतका सुझाव पनि दिएका छन् । समूहगत छलफलमा पोलिटब्यूरो कायम राख्नुपर्ने आवाज पनि उठेको छ । यसअघि विधान संशोधन प्रस्तावमा पाेलिब्यूराे नरहने बताइएकाे थियाे ।
यसैगरी पार्टीका नेताहरुले एमसीसीकाे बारेमा पार्टीकाे धारणा के हाे ? भनी प्रश्न समेत गरेका छन् ।