Logo आइतवार, कार्तिक ७ गते २०७८
images
आइतवार, कार्तिक ७ गते २०७८
images
images

कार्गोबाट चरेश तस्करी : नेपालबाट हङकङ पठाउन खोज्ने गिरोह पक्राउ

कार्गोबाट चरेश तस्करी : नेपालबाट हङकङ पठाउन खोज्ने गिरोह पक्राउ

images
images
  • 1.4K
    SHARES
  • काठमाडौं । नेपालबाट हङकङमा अवैध लागूऔषध चरेशको कारोबार गर्ने गिरोहका ७ जनालाई ७ केजी ९ सय ७७ ग्राम अवैध लागूऔषध चरेश सहित प्रहरीले पक्राउ गरेको छ । 

    images
    images
    images

    पक्राउ पर्नेहरूमा मोरङ उर्लाबारी घर भएका ३२ वर्षीय अन्जित थापा, सिन्धुपाल्चोक सुनकोसी गाउँपालिका–५ ठेगाना भइ ललितपुर हात्तिवन बस्ने ३० वर्षीय सुजन श्रेष्ठ, सिन्धुपाल्चोक लिसंखु गाउँपालिका–५ ठेगाना भएका ४१ वर्षीय सागर भन्ने जालिन्द्र श्रेष्ठ, पर्सा सखुवापर्सौनी गाउँपालिका–१ घर भइ हाल काठमाडौं बौद्द नयाँबस्तिस्थित सिलाइ बुनाइ काम गर्ने दिनदयाल महतो उराव, उक्त कोठामा बसेका दिपेन्द्र महतो उराव, मकवानपुर थाहा नगरपालिका–११ बस्ने ४५ वर्षीय रबि मुक्तान र धादिङ थाक्रे गाउँपालिका–३ बस्ने २३ वर्षीय मोतीलाल तामाङ रहेका छन् । 

    लागूऔषध नियन्त्रण ब्यूरो कोटेश्वर र महानगरीय प्रहरी परिसर ललितपुरको संयुक्त प्रहरी टोलीले असोज १४ गते ललितपुर मानभवनस्थित ब्लू स्टार कार्गोबाट हङकङ पठाउन लागेको अवस्थामा ९ थान थाङ्का र सो मा प्रयोग हुने काठको डण्डीभित्र लुकाई राखेको ३ केजी ५० ग्राम चरेश सहित अन्जित थापालाई पक्राउ गरेको थियो ।

    थप अनुसन्धानको क्रममा सोही दिन अन्जितलाई उक्त सामान दिने सुजनलाई पक्राउ गरी सुजनलाई समेत चरेश दिने जालिन्द्रलाई प्रहरीले पक्राउ गरेको हो । 

    ब्यूरोका प्रमुख एसएसपी हृदय थापाका अनुसार जालिन्द्रको कोठाबाट सानो थाङ्कामा प्रयोग हुने आयातकार काठको ९६ थान लिस्टिभित्र लुकाई राखेको २ केजी ४० ग्राम चरेश र २ डब्बा फेबिकोल, २ थान फलामको हेक्सा ब्लेड, २ थान छिनो, १ थान चक्कु, २ थान हतौडा, १ थान धार लगाउने सिल्ली, २ थान फलामको ढुङ्ग्रो, ४ रोल ¥यापिङ टेप बरामद भएको छ ।  

    अनुसन्धानको सिलसिलामा असोज १५ गते दिनदयाल महतोको कोठाबाट प्रहरीले सानो थाङ्कामा प्रयोग हुने काठको १ सय १३ थान लिस्टिमा लुकाई राखेको २ केजी ८ सय ७५ ग्राम चरेश, ३ थान डिजिटल तराजू, १ थान सिलाई मेशिन, १ थान रोलिङ मेशिन, २ थान फेबिकोल, विभिन्न १७ थान हस्तकला, ६ थान थाङ्का लगायतका सामान र नगद १ लाख रुपैयाँ बरामद गरेको जानकारी ब्यूरोले दिएको छ।

    प्रहरीले उक्त दिन दिनदयालसँगै दिपेन्द्रलाई समेत पक्राउ गरेको थियो। प्रहरीका अनुसार पक्राउ मध्ये जालिन्द्र र सुजनलाई चरेस बिक्री गर्ने रबिलाई उनकै कोठाबाट ९ ग्राम ५ सय मिलीग्राम लागूऔषध चरेश सहित पक्राउ पक्राउ परेका थिए। अर्का अभियुक्त रविलाई चरेश उपलब्ध गराउने मोतीलाललाई समेत प्रहरीले २ ग्राम ५ सय मिलीग्राम चरेशसहित पक्राउ गरिएको जानकारी एसएसपी थापाले दिए। 

    मोतिलालले धादिङलगायत विभिन्न स्थानबाट लागूऔषध चरेश संकलन गरी उपलब्ध गराउने गरेको अनुसन्धानबाट खुल्न आएको छ ।

    उनीहरूले नेपालबाट विभिन्न हस्तकलाका सामानहरुमा चरेश लुकाई कार्गोबाट हङकङ पठाउने गरेको प्रहरी अनुसन्धानबाट खुलेको छ। 

    images
    images
    images
    images
    images
    images
    images
    images
    सम्बन्धित समाचार