काठमाडाैं । नेकपा एमालेले साेमबार पनि प्रतिनिधि सभामा अवराेध कायमै राखेकाे छ ।
साेमबारकाे प्रतिनिधि सभा बैठक सुरु हुनासाथ एमाले सांसद्ले बेल अगाडि उभिएर नारा लगाइरहेका छन् । सभामुखकाे भूमिकाप्रति प्रश्न उठाउँदै एमालले भदाै २३ गतेदेखि लगातार सदन अवरुद्ध गर्दै आएकाे छ ।
एमालेले सदनन अवराेध गर्दै आइरहेकाे भए पनि सरकारले अवराेधका बीच नै विभिन्न विधेयक पास गर्दै आइरहेकाे छ । साेमबारकाे बैठकमा सभामुख अग्निप्रसाद सापकोटाले राष्ट्रपति कार्यालयबाट प्राप्त मन्त्रिपरिषद गठनसम्बन्धी पत्रको व्यहोरा पढेर सुनाउने कार्यसूची छ ।
यस्तै, प्रधानमन्त्री शेरबहादुर देउवाले ‘मधेसी आयोगको तेस्रो वार्षिक प्रतिवेदन’ पेस गर्ने कार्यसूची रहेको छ ।
एमालेले पार्टीले कारबाही गरेका १४ सांसदलाई पदमुक्त नगरेर सभामुख सापकोटाले एमाले विभाजनमा सहयोगी भूमिका खेलेको आरोप लगाउँदै संसदमा विरोध जनाउँदै आएको छ ।