काठमाडाैं । नेपाली कांग्रेसले १४ महाधिवशेनमा उच्च स्वास्थ्य सतर्कता अपनाउने भएको छ । कांग्रेसले महाधिवेशनमा सहभागी हुने नेता तथा कार्यकर्तालाई आवश्यक स्वास्थ्य सामाग्री बितरणका साथै खोप नलगाएकालाई कोरोनाबिरुद्धको खोप पनि लगाईदिने तयारी गरेको छ ।
कांग्रेस महाधिवेशन अन्तर्गतको स्वास्थ्य समितिका संयोजक मोहन बहादुर बस्नेतले महाधिवेशनमा सहभागी हुने सम्पूर्णको स्वास्थ्य अवस्थालाई ख्याल गर्दै आवश्यक तयारी गरिएको जानकारी दिए । उनले महाधिवेशनका बेला कसैलाई स्वास्थ्य समस्या भए तत्काल उपचारका लािग पनि आवश्यक तयारी गरिने जानकारी दिए । महाधिवेशनमा भाग लिन आउनेको एन्टीजेन समेत गरिने उनको भनाइ छ ।
नेपाली कांग्रेसको केन्द्रीय महाधिवेशन मंसिर २४ देखि २६ गते काठमाडौँमा हुँदै छ ।