काठमाडौं । कर्णाली प्रदेश सरकारका वहालवाला भौतिक पुर्वाधार तथा सहरी विकास मन्त्री पदमबहादुर रोकायालाई जुम्ला (ख) मा एमालेका युवा नेता टेकराज पछाईले कडा टक्‍कर दिइरहेका छन् ।

पछिल्लो प्राप्त नतिजा अनुसार सो क्षेत्रमा १७ हजार ८५८ मतगणना भएको छ । जसमा एमाले नेता पछाईले मन्त्री रोकायलाई ९०७ मतान्तरले पछि पारिरहेका छन् ।

नेकपा (एकीकृत समाजवादी) का जुम्ला जिल्ला इञ्चार्ज समेत रहेका मन्त्री रोकायलाई गठबन्धनको साथ छ । तर पनि रोकाय पछिल्लो नतिजा अनुसार निरन्तर पछि पर्दै आएका छन् । पछाईले ६ हजार ९४५ मत प्राप्त गर्दा रोकायले ६ हजार ३८ मत प्राप्त गरेका छन् ।

यस्तै स्वतन्त्र उम्मेदवार धन बहादुर बस्नेतले ३ हजार २२० मत ल्याएका छन् भने नेमकिपाका विर्षबहादुर रावतले १ हजार १२ मत पाएका छन् ।