झरीसंगै आएको हावा हुरीको बितण्डा, गुडिरहेको स्कुल बस माथी पल्टियो रुख

महेन्द्रनगर २७ असार– कञ्चनपुरमा गुडिरहेको स्कूल बसमाथि रुख ढलेको छ ।

शुक्लाफाँटा नगरपालिकाको वनसमितिस्थित अनिरुद्र माध्यमिक विद्यालयको बसमाथि रुख ढलेको हो ।र बसमाथि रुख खसेपनि सबै विद्यार्थी सकुशल रहेको बताइएको छ ।

स्कूल बस वनसमितिबाट सिमलफाँटातिर विद्यार्थीलाई छाड्न गइरहेको थियो । बसमा सवार २ जना विद्यार्थी सामान्य घाइते भएका र उपचार भइरहेको शुक्लाफाँटा नगरपालिका–१ का वडा सदस्य परमानन्द जोशीले जनाएका छन् ।

त्यसैगरी काठमाडौंको किर्तीपुरमा पनि रुख ढलेको छ । किर्तपुर स्थित त्रिभुवन विश्वविद्यालय हातामा पनि रुख ढलेको हो । रुख ढल्दा त्रिवीका कर्मचारीको मोटरसाइकल किचेको छ । रुख ढलेपनि मानविय क्षती भने भएको छैन । पानीको निरन्तर बर्षका कारण त्रिभुवन विश्वविद्यालय समाजशास्त्र डिपार्टमेन्ट अगाडी रुख ढलेको छ ।

शुक्र, असार २७, २०७६ मा प्रकाशित सुनौलो नेपाल अनलाइनद्वारा संचालित सुनौलो नेपाल टी. भीसंग प्रत्यक्ष जोडिन यहाँ क्लिक गर्नुहोस