सीके राउत जस्तो नभएसम्म विप्लवसंग बार्ता हुँदैन: प्रवक्ता बाँस्कोटा

साउन २ काठमाडौँ सरकारले सीके राउतझैँ संविधान स्वीकार गरेर शान्तिपूर्ण र प्रतिस्पर्धात्मक राजनीतिमा आएमात्रै प्रातिबन्धित नेत्रविक्रम चन्द विप्लव समूहसंग वार्ता हुने बताएको छ। बिहीबार मन्त्रालयमा आयोजित नियमित पत्रकार सम्मेलनमा सञ्चार तथा सूचना प्रविधिमन्त्री गोकुल बाँस्कोटाले यस्तो बताएका हुन्।

मन्त्री बास्कोटाले शक्ति सञ्चय र दाउपेचका लागि वार्ता नहुने र सरकारले वार्ता गर्न नचाहेको कुरा नभएको बताएका हुन्। पक्राउ परेको मान्छे छुटाएर मुद्दा फिर्ता लिएर पुनः बन्दुक बोक्नका लागि वार्ता नहुने उनले बताए। उनले भने वार्ता गर्ने तर निष्कर्षमा नपुग्ने, दुनियाँमा भुलभुलैयामा राख्ने वैधानिकता प्राप्त गर्नका लागि पनि वार्ता हुँदैन।

उनले दस वर्षे द्वन्द्वमा पनि शक्ति सञ्चयका लागि वार्ता भएका दृष्टान्त देखाउँदै सरकार अगुल्टोले हानेको कुकुर विजुली देख्दा तर्सिएझैँ भएको बताए। सरकारले काठमाडौँ उपत्यकामा सञ्चालनका लागि ३ सयवटा बिजुली बस किन्ने निर्णय गरेको पनि बाँस्कोटाले जानकारी दिए।

बिहि, साउन २, २०७६ मा प्रकाशित सुनौलो नेपाल अनलाइनद्वारा संचालित सुनौलो नेपाल टी. भीसंग प्रत्यक्ष जोडिन यहाँ क्लिक गर्नुहोस