जम्मु कश्मीर विवाद: पाकिस्तानले संयुक्त राष्ट्रसंघ को साथ पनि पाएन

साउन २८ काठमाडौं भारतीय सञ्चारमाध्यमका अनुसार जम्मू–कश्मीरमा भारत सरकारले पछिल्लो पटक चालेको कदम तथा जारी तनावका बारेमा संयुक्त राष्ट्रसंघको ढोका ढकढक्याएको पाकिस्तानलाई संयुक्त राष्ट्रसंघ सुरक्षा परिषदको अध्यक्ष राष्ट्रले निराश पारेको छ ।

सुरक्षा परिषदको अध्यक्ष राष्ट्र पोल्याण्डले जम्मू–कश्मीरको समस्या द्विपक्षीय वार्ताबाट समाधान गर्नु पर्ने बताएको इन्डियन एक्सप्रेसले उल्लेख गरेको छ ।भारतले संविधानमा रहेको धारा ३७० निष्प्रभावी घोषित गर्दै जम्मू–कश्मीरले पाउँदै आएको विशेष राज्यको दर्जा खारेज गरेको थियो । पाकिस्तानले त्यसको विरोधमा संयुक्त राष्ट्रसंघ सुरक्षा परिषदमा अपिल गरेको छ ।

सुरक्षा परिषदको अध्यक्षता यो महिना पोल्याण्डसँग छ । उसले पाकिस्तानलाई जम्मू–कश्मीर समस्या भारतसँगको वार्ताबाट सुल्झ्याउन सुझाव दिएको खबरमा उल्लेख छ ।भारतले पनि जम्मू–कश्मीर द्विपक्षीय मामिला रहेको र यसको समाधान द्विपक्षीय रुपमै हुनु पर्ने बताउँदै आएको छ । पोल्याण्ड सुरक्षा परिषदको स्थायी सदस्य राष्ट्र भने होइन । भिटो शक्ति सुरक्षा परिषदका पाँच स्थायी राष्ट्रहरु अमेरिका ब्रिटेन फ्रान्स रुस र चीनसंग मात्रै रहन्छ । पाकिस्तानको अपिलका सम्बन्धमा सुरक्षा परिषदको बैठकमा छलफल हुन बाँकी नै छ ।

मङ्ल, साउन २८, २०७६ मा प्रकाशित सुनौलो नेपाल अनलाइनद्वारा संचालित सुनौलो नेपाल टी. भीसंग प्रत्यक्ष जोडिन यहाँ क्लिक गर्नुहोस