काठमाडौं।  इंग्ल्यान्डलाई १० विकेटले पराजित गर्दै तेस्रो टेस्ट भारतले आफ्नो नाम गरेको छ। यससंगै भारतले ४ टेस्टको सिरिजमा २-१ को अग्रता बनाएको छ। 

यो जितसंगै भारत टेस्ट च्याम्पियनसिपको फाइनल नजिक पुगेको छ ।अब भारतले चौथो सेटमा जित या बराबरी गर्न सके वर्ल्ड टेष्ट च्याम्पियनसिपको फाइनलमा पुग्नेछ । 

उता इंग्ल्याण्ड भने फाइनल पुग्ने सम्भावना सकिएको छ । अब चौथो टेष्ट इंग्ल्याण्डले जितेमा टेष्टमा २-२ को बराबरी हुनेछ र अष्ट्रेलिया फाइनल पुग्नेछ । 

न्युजिल्याण्ड यसअघि नै फाइनल पुगिसकेको छ ।

इंग्ल्याण्डले दिएको ४९ रनको लक्ष्य भारतले कुनै पनि विकेट नगुमाई ७।४ ओभरमै पुरा गर्यो। रोहित शर्माले अविजित २५ रन बनाए । यस्तै शुभमन गिलले अविजित १५ रन योगदान गरे ।