काठमाडाैं । त्रिकोणात्मक टी २० सिरिजमा नेदरल्याण्डसँग नेपाल तीन विकेटले पराजित भएकाे छ । मंगलबार भएको खेलमा नेपाल मलेसियासँग तीन विकेटले पराजित भएकाे हाे ।
कीर्तिपुर मैदानमा टस जितेर ब्याटिङ गरेको नेपालले २० ओभरमा ६ विकेट गुमाउँदा दुई सय ६ रन बनायो । जवाफमा नेदरल्याण्ड्सले १९ ओभर बलमा सात विकेट गुमाउँदै लक्ष्य पूरा गर्याे ।
नेदरल्याण्डसका लागि बस दी लिडले ४१ बलमा ६ चौका ५ छक्कासहित ८१ रनको अविजित इनिङ खेले । बेन कुपरले ३५ बलमा १० चौकासहित ५५ रनको अर्धशतकीय इनिङ खेलेका थिए ।
नेदरल्यान्ड्सविरुद्ध महंगा साबित भएका सन्दीप लामिछानेले ४ ओभरमा ४८ रन खर्चेर सर्वाधिक ४ विकेट लिन सफल भए ।
नेपालका लागि कुशल भुर्तेल र दीपेन्द्रसिंह ऐरीले अर्धशतक पूरा गरे । भुर्तेलले ४६ बलमा ६२ रन बनाए । ऐरीले ३० बलमा ६० रन बनाए ।
यसअघिका दुई खेलमा शतकीय साझेदारी गरेका कुशल भुर्तेल र आशिफ शेखको जोडी आज भने जम्न सकेन । नेपालको स्कोर २० रन हुँदा आशिफ शेख खाता खोल्न नपाउँदै आउट भए । उनले चार बल खेल्दा खाता खोल्न सकेनन् ।