काठमाडौं । बुधबार नेपाली बजारमा सुनको मूल्य वृद्धि भएको छ । मंगलबार ९० हजार ७०० रुपैयाँमा कारोबार भएको सुनको मूल्य बुधबार तोलामा अधिकतम १ हजार ३०० रुपैयाँले बढेकाे हाे । 

बुधबार छापावाला सुनकाे मूल्य ९२ हजार रुपैयाँ कायम भएको नेपाल सुनचाँदी व्यवसायी महासंघले जनाएकाे छ । तेजाबी सुन ९१ हजार ५०० रुपैयाँमा काराेबार भइरहेकाे छ । 

चाँदीको मूल्य पनि बुधबार प्रति तोला १० रुपैयाँले बढेकाे छ । महासंघका अनुसार मंगलबार प्रति तोला एक हजार ३०० रुपैयाँमा कारोबार भएको चाँदी मूल्य बुधबार १० रुपैयाँले बढेर प्रति तोला एक हजार ३१० रुपैयाँ कायम भएको छ ।