काठमाडाैं । त्रिकोणात्मक टी २० सिरिजमा नेपालले समूह चरणको अन्तिम खेलमा मलेसियालाई ६९ रनले पराजित गरेको छ ।

जितपछि नेपाल शीर्ष स्थानमा रहेर फाइनलमा प्रवेश गरेको छ । चार मध्ये तीन खेलमा जित हात पारेको नेपालले ६ अंक जोड्दा ५ अंक बनाएको नेदरल्याण्ड्स दोस्रो स्थानमा रहेर फाइनलमा प्रवेश गरेको छ । 

नेपाल र नेदरल्याण्ड्सबीचको फाइनल खेल शनिबार हुने छ ।

विहीबार त्रिवि क्रिकेट मैदान कीर्तिपुरमा नेपालले दिएको २१८ रनको लक्ष्य पछ्याएको मलेसिया १९.१ ओभरमा सबै विकेट गुमाएर १४८ रन बनायो ।