काठमाडाैं । नेपाली बजारमा शुक्रबार सुनको मूल्यमा सामान्य गिरावट आएको छ । छापावाल सुन प्रति तोला ९१ हजार ७ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । 

बिहीबार सुन प्रति तोला ९२ हजार २ सय रुपैयाँमा कारोबार भएको थियो । अघिल्लो दिनको तुलनामा प्रति तोला ५ सय रुपैयाँ घटेकाे हाे ।

शुक्रबार तेजाबी सुन प्रति तोला ९१ हजार २ सय रुपैयाँमा कारोबार भइरहेको छ ।

महासंघका अनुसार शुक्रबार चाँदी प्रति तोला १ हजार ३ सय २० रुपैयाँमा कारोबार भइरहेको छ । बिहीबार प्रति तोला १ हजार ३ सय ३५ रुपैयाँमा कारोबार भएको थियो ।