बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
आइतवार , पौष २७, २०८२
काठमाडौं । भारतीय मूलका नेपालीभाषी गायक तथा नायक प्रशान्त तामाङको निधन भएको छ । भारतीय टिभी रियालिटी शो इन्डियन आइडलको तेस्रो संस्करणका विजेता तामाङको आइतबार दिल्लीस्थित उनकै निवासमा निधन भएको हो ।
निर्माता राजेश घतानीले तामाङकी श्रीमतीलाई उदृत गर्दै हृदयघातका कारण प्रशान्तको निधन भएको जनाएका छन् ।
४३ वर्षीय तामाङले थुप्रै नेपाली गीतमा स्वर दिएका छन् । साथै, नारायण रायमाझी निर्देशित फिल्म ‘गोर्खापल्टन २’ बाट उनले नेपाली फिल्मको अभिनयमा डेब्यू गरेका थिए ।
उनले सलमान खान स्टारर फिल्म ‘ब्याटल अफ गलवान’ बाट बलिउड डेब्यू गरेका थिए । यो फिल्मको छायांकन सकिएपनि डबिङ भने बाँकी नै थियो ।
भारतको दार्जिलिङमा जन्मिएका प्रशान्तले सन् २०११ मा एयर होस्टेस गीता थापासँग विवाह गरेका थिए । उनीहरूको एक छोरी छिन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस