बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
मंगलवार , बैशाख ८, २०८३
काठमाडौं । नेपाल केरा उत्पादक महासंघले केराको बजारीकरणका क्रममा बिचौलियाको हस्तक्षेप अन्त्य गर्न सरकारको ध्यानाकर्षण गराएको छ ।
महासंघले मंगलबार काठमाडौंमा पत्रकार सम्मेलन गर्दै किसानले बारीबाट बेच्दा भन्दा बजारमा पाँच गुणासम्म महङ्गोमा केरा बिक्रिबितरण भइरहेको भन्दै बजारमा देखिएको बिचौलियाको अत्याधिक हस्तक्षेप अन्त्य गर्न सरकारको ध्यानाकर्षण गराएको हो ।
किसानले बारीबाट स्थानीय जात(मालभोग) रु ७० देखि ८५ प्रति दर्जन र हाइव्रिड जातको रु ५० देखि ६० प्रतिदर्जनमा बिक्रि गरिरहेको महासंघले जनाएको छ । तर त्यहि केरा आम उपभोक्ताले ३५० देखि ४ सय रुपैयासम्ममा किन्नुपर्ने अवस्था बिचौलिका कारण नै आएको महासंघका अध्यक्ष विष्णुहरि पन्तले बताए ।
उनले राज्यले तत्काल बजारमा हस्तक्षेप गरि अनावश्यक रुपमा भएको मूल्यबृद्धि नियन्त्रण गर्नुपर्नेमा जोड दिए । त्यस्तै अध्यक्ष पन्तले केराको आयातमा नियन्त्रण गर्ने सरकारको कदम सराहनीय र प्रशंसनीय रहेकाले कुनै पनि बहानामा विदेशी केरा आयात खुलाउन नहुने धारणा राखे । उनले राज्यले सहि नीति र प्रभावकारी बजार व्यवस्थापन गर्न सके आगामी दुई बर्षभित्र केरामा पूर्ण आत्मनिर्भर बन्न सकिने बताए ।
उनले बार्षिक ९ लाख मेट्रिक टन केरा खपत हुने गरेकामा करिव ७ लाख मेट्रिक टन केरा उत्पादन भइरहेको जानकारी दिए । महासंघले बजार अनुगमन प्रभावकारी बनाउन, केराको न्यूनतम समर्थन मूल्य निर्धारण गर्न समेत माग गरेको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस