एजेन्सी । बलिउड अभिनेत्री आलिया भट्ट फेरि ट्रोलको सिकार बनेकी छिन् । करिअरको सुरुवातमा आइक्यूको कारण निकै ट्रोल बन्ने गरेकी आलियाले बीचमा आफूलाई निकै सम्हालेकी थिइन् । 

उसो त बलिउडमा उनको अभिनय र सुन्दरताको निकै तारिफ हुने गर्दछ । पछिल्लो समय आलिया ट्रोल हुनुको कारण हो टोकियो ओलम्पिक । ओलम्पिकमा भारतीय खेलाडीको सपोर्टमा उत्रिएकी आलियाले आफ्नो इन्स्टा स्टोरीमा गलत तस्बिर शेयर गरिन् । 

उनले शेयर गरेको तस्बिर टोकियोको नभई लण्डन ओलम्पिक २०१२ को थियो । क्याप्सनमा टोकियो नै उल्लेख गरेपनि तस्बिर गलत भएकै कारण आलिया सामाजिक सञ्जालमा पुन: ट्रोलको सिकार बनेकी हुन् ।