काठमाडौं । गायक दुर्गेश थापाको नयाँ तीज गीत ‘ख्यास्स पुतली’ रिलिज भएकाे एक सातामा विवादमा परेकाे छ । गीतमा प्रयोग भएको शब्द ‘ख्यास्स पुतली’ आपत्तिजनक रहेकोले राष्ट्रिय लोक तथा दोहोरी गीत प्रतिष्ठानले आपत्ति जनाएकाे हाे  । 

प्रतिष्ठानले एक विज्ञप्ति निकालेर प्रतिष्ठान अन्तर्गत गठित विकृति विसंगति न्यूनीकरण समितिले गीतमा प्रयोग भएको शब्द ‘ख्यास्स पुतली’ आपत्तिजनक रहेको भन्दै शब्दहरु फेरबदल गर्न ध्यानाकर्षण गराएको हाे । 

गायक थापाले अघिल्लो गीत ‘बीच्च बीच्चमा’को चौथो सिरिजको रुपमा यो गीत बजारमा ल्याएका थिए । याे गीतमा संगीत, शब्द र आवाजमा थापाकाे नै रहेकाे छ ।