कैलाली । कर्णाली नदीमा आइतबार डुंगा पल्टिदा तीनजना बेपत्ता भएका छन्।
सुर्खेतको चौकुने र कैलालीको मोहन्याल गाउँपालिको सीमामा रहेको कर्णाली नदी तर्नेक्रममा डुंगा पल्टिदा तीनजना बेपत्ता भएका हुन्।
डुंगा पल्टिदा दुईजना घाइते भएका छन्। कैलाली प्रहरीका अनुसार कैलालीको मोहन्याल गाउँपालिका ३ बाट बच्चालाई खोप लगाउन सुर्खेत हिँडेका स्थानीय चढेको डुंगा पल्टिएको हो।
दुर्घटनामा कैलालीको मोहन्याल गाउँपालिका ३ की २० वर्षीया उर्मिला मगर र उनका १० दिनका शिशु, सोही वडाकी पार्वती थापा बेपत्ता भएका हुन्। प्रहरी निरिक्षक पुस्करराज पन्तका अनुसार खोजी कार्य भइराखेको छ।
दुर्घटनामा कैलाली मोहन्याल गाउँपालिका ३ बस्ने १९ वर्षीया धनसरा सलामी मगर र उनका १ महिनाका छोरा कर्ण घाइते छन्। आमाको अवस्था गम्भीर भएको र बालक सामान्य भएको प्रहरीले बताएको छ।