एजेन्सी । फ्रान्सेली सुपर कप फुटबलको उपाधि लिलेले जितेको छ । आइतबार राति भएको फाइनलमा फ्रेन्च लिग च्याम्पियन लिलेले साविक विजेता पेरिस सेन्ट जर्मन (पीएसजी) लाई १–० गोलले हरायो ।

प्रतिस्पर्धात्मक खेलमा पीएसजीको उपाधि रक्षा गर्ने योजना सफल बन्न सकेन । लिलेको जितमा पोर्चुगलका मिडफिल्डर छेका नायक बने । छेकाले ४५औं मिनेटमा बुरक इल्माजको पामसा गोल गरेका थिए । लिलेको गोलपछि आक्रामक देखिएको पीएसजीले दोस्रो हाफमा गोलका लागि राम्रा मौका बनाएपनि सदुपयोग गर्न सकेन ।

पीएसजी टोलीका सुपरस्टारद्वय केलियन एम्बाप्पे र नेमारविनै खेलेको थियो । चोटका कारण पीएसजीले सर्जियो रामोसलाई समेत खेलाएको थिएन । रामोस यसैसिजन पीएसजीमा अनुबन्ध भएका हुन् । लिलेको यो पहिलो सुपर कप उपाधि हो । यस उपाधि पीएसजीले सर्वाधिक १० पटक जितेको छ ।