काठमाडाैं । चीनमा कोरोना भाइरसका सङ्क्रमित बढ्न थालेका छन् । पछिल्लाे समय चीनमा काेराेना भाइरसका संक्रमित बढ्न थालेकाे अन्तर्राष्ट्रिय सञ्चारमाध्यमले जनाएका छन् । 

चीनमा आइतबार कोरोना भाइरसका ५५ जना नयाँ सङ्क्रमित भेटिएको नेशनल हेल्थ कमिसनले जानकारी दिएको छ ।

चीनको जाङ्सुमा मात्र स्थानीय रुपमा सङ्क्रमण भएका ४० जना सङ्क्रमित भेटिएका बताइएको छ । त्यसैगरी हुनान, लियानिङमामा अरु सङ्क्रमित पाइएको छ । ती क्षेत्रमा विगतका केही दिनदेखि निरन्तर रुपमा नयाँ–नयाँ सङ्क्रमित देखिने गरेका छन् । 

स्थानीय नागरिकमा संक्रमण देखिएपछि नेशनल हेल्थ कमिसनले चिन्ता व्यक्त गरेको छ । काेराेना भाइरस संक्रमणकाे उद्गमस्थल मानिएकाे चीनमा पछिल्लाे समय काेराेना भाइरसकाे डेल्टा भेरियन्टकाे जाेखिम बढेकाे पाइएकाे छ ।