काठमाडौं । राहदानी (पासपोर्ट) बनाउनेले अझैसम्म उस्तै सास्ती भोग्नु परेको छ । कान्तिपथस्थित राहदानी विभाग अगाडि दैनिकजसो लाइन हुन्छ ।
आइतबार भने राहदानी विभागबाट सुरु भएको लाइन सोह्रखुट्टे नजिक पुगेको थियो । विदेश जाने प्रयोजनका लागि पासपोर्ट बनाउनका निम्ति मध्यराति १ बजेदेखि नै लाइन बस्नु परेको सेवाग्राहीले बताएका छन् ।
‘राति १ बजेदेखि लाइन बसेर कार्यालयसम्म पुगेपछि २२ गतेका लागि बोलाएको छ’, एक सेवाग्राहीले भने, ‘उज्यालो भएपछि लाइन बस्दा त पालै आउन मुस्किल पर्छ ।’
अहिले विदेश जान र अमेरिकी डिभी चिट्ठा भर्नका निम्ति पासपोर्ट आवश्यक पर्छ । डिभी चिट्ठा खुलेपछि विभागमा भीड बढेको हो । तस्बिर : रमेशकुमार परियार