बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
सोमवार , चैत्र ९, २०८२
काठमाडौं । मध्यपूर्वमा सैन्य तनाव उत्कर्षमा पुगेसँगै खाडी क्षेत्रका देशहरूले सम्भावित मिसाइल तथा ड्रोन हमलाको चेतावनी जारी गर्दै उच्च सतर्कता अपनाएका छन् । इरानबाट हुन सक्ने आक्रमणको जोखिमलाई मध्यनजर गर्दै बहराइन, संयुक्त अरब इमिरेट्स (यूएई) र कुवेतले आफ्ना रक्षा प्रणालीलाई पूर्ण रूपमा सक्रिय बनाएका हुन् ।
बहराइनमा सायरन, यूएई र कुवेतको प्रतिरक्षा प्रणाली सक्रिय बहराइनको गृह मन्त्रालयले देशभर अलार्म सायरन सक्रिय गराउँदै नागरिकलाई तत्काल सुरक्षित स्थानमा जान र अनावश्यक आवतजावत नगर्न निर्देशन दिएको छ। यस्तै, यूएईको रक्षा मन्त्रालयले इरानबाट आउन सक्ने खतरालाई रोक्न एयर डिफेन्स प्रणाली प्रयोग भइरहेको पुष्टि गरेको छ । केही क्षेत्रमा सुनिएका ठूला आवाजहरू मिसाइल प्रतिरक्षा प्रणाली सञ्चालनका कारण भएको मन्त्रालयले प्रष्ट पारेको छ ।
कुवेतको सेनाले पनि आफ्नो हवाई सुरक्षा प्रणालीलाई उच्च सतर्कतामा राखेको छ । कुवेत सरकारले शत्रुपक्षको आक्रमण रोक्ने क्रममा विस्फोटका आवाजहरू सुनिन सक्ने भन्दै नागरिकलाई सरकारी निर्देशन कडाइका साथ पालना गर्न आग्रह गरेको छ ।
अन्तर्राष्ट्रिय चिन्ता र सुरक्षा चुनौती बीबीसीका अनुसार यस क्षेत्रमा बढ्दो सैन्य मुठभेडले नागरिक सुरक्षामा ठूलो चुनौती थपेको छ । खाडी मुलुकहरूले आफ्ना हवाई क्षेत्रको सुरक्षाका लागि अत्याधुनिक प्रविधि परिचालन गरेका छन् भने इरानसँगको बढ्दो दूरीले समग्र विश्व अर्थतन्त्र र ऊर्जा आपूर्तिमा समेत असर पर्न सक्ने देखिएको छ । हाल ती देशहरूले आधिकारिक सूचनालाई मात्र विश्वास गर्न र सुरक्षा मापदण्ड अपनाउन आफ्ना नागरिकलाई अपिल गरेका छन् ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस