बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
शुक्रवार , जेठ ८, २०८३
काठमाडौं । किस्ट शिक्षण अस्पतालले क्यान्सर उपचार सेवामा अन्तर्राष्ट्रिय सहकार्य विस्तार गरेको छ । अस्पतालले भारतको मेदान्ता गुरुग्रामसँगको सहकार्यमा विशेषज्ञ परामर्श, टेलिमेडिसिन तथा दोस्रो राय सेवा सञ्चालन गर्दै आएको जनाएको छ ।
अस्पतालका अनुसार क्यान्सर उपचार सेवा विभागको नेतृत्व प्रोफेसर डा. विष्णु दत्त पौडेलले गरिरहेका छन् । अस्पतालमा क्यान्सर शल्यचिकित्सक, क्यान्सर रोग विशेषज्ञ, रक्तसम्बन्धी क्यान्सर विशेषज्ञसहित बहुविषयगत टोलीमार्फत टाउकोदेखि खुट्टासम्मका सबै प्रकारका क्यान्सरको पहिचान, शल्यक्रिया र उपचार सेवा उपलब्ध गराइँदै आएको छ
मेदान्ता गुरुग्रामसँगको सहकार्यअन्तर्गत टेलिमेडिसिनमार्फत दोस्रो राय तथा टेलि–परामर्श सेवा सञ्चालन भइरहेको छ, जसले नेपालका क्यान्सर बिरामीलाई अन्तर्राष्ट्रिय विशेषज्ञ सेवामा पहुँच बढाएको अस्पतालले जनाएको छ ।
यसै क्रममा भारतका प्रख्यात क्यान्सर रोग विशेषज्ञ डा। सत्य पाल कटारिया विशेष अतिथि वक्ताका रूपमा सहभागी भएका थिए । उनको उपस्थितिमा क्यान्सर उपचारसम्बन्धी दुई महत्वपूर्ण शैक्षिक तथा चिकित्सकीय कार्यक्रम सम्पन्न गरिएको हो ।
कार्यक्रममा विभिन्न अस्पताल तथा संस्थाका वरिष्ठ चिकित्सकहरूको सहभागितामा क्यान्सर उपचारका नवीन प्रविधि, जटिल केसहरूको व्यवस्थापन तथा अन्तर्राष्ट्रिय सहकार्यबारे छलफल गरिएको थियो । अस्पतालले भविष्यमा पनि यस्ता सहकार्य विस्तार गर्दै नेपालमै गुणस्तरीय क्यान्सर उपचार सेवा प्रदान गर्ने प्रतिबद्धता जनाएको छ ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस