'नाडा अटो शो २०२५ मा दर्शकहरुको ऐतिहासिक सहभागिता'

सुनौलो नेपाल

शुक्रवार , भाद्र ६, २०८२

'नाडा अटो शो २०२५ मा दर्शकहरुको ऐतिहासिक सहभागिता'

काठमाडौं । 'नाडा अटो शो २०२५ ले' यसपटक पुन: एक ऐतिहासिक उपलब्धि हासिल गरेको छ । यस वर्ष, केवल ३ दिनमै ७८ हजार ५१३ जनाले नाडा अटो शोलाई अवलोकन गरिसकेका छन् ।

यो तथ्यांकले आर्थिक चुनौती र कठिनाइबीच पनि नेपाली जनतामा अटो शो प्रतिको बढ्दो उत्साह, विश्वास र समर्थनलाई स्पष्ट रूपमा प्रकट गरेको आयोजकले जनाएको छ ।

नाडा अटोमोबाइल्स एसोसिएसन अफ नेपालका अध्यक्ष करण चौधरीले यो उपलब्धिलाई एउटा अन्त्य नभई नयाँ सुरुवातको रुपमा लिइएको बताए । उनले भने, ‘यसले हाम्रो अपेक्षा अझ उचालिएको छ र नेपाललाई अटोमोबाइल नवप्रवर्तन र भविष्य–उन्मुख मोबिलिटी समाधानको उदाउँदो केन्द्र बनाउन हाम्रो आत्मविश्वास थप मजबुत भएको छ ।’