बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
मंगलवार , माघ २७, २०८२
मुम्बई । आईसीसी टी–२० विश्वकप २०२६ मा भारत र पाकिस्तानबीचको बहुप्रतीक्षित खेल अन्ततः हुने निश्चित भएको छ। यसअघि भारतसँगको खेल बहिष्कार गर्ने अडान लिएको पाकिस्तानले आफ्नो निर्णय फिर्ता लिएको हो। आगामी फेब्रुअरी १५ मा श्रीलंकाको कोलम्बोमा हुने समूह चरणको खेलमा पाकिस्तान मैदान उत्रिनेछ।
पाकिस्तान सरकारले सामाजिक सञ्जाल एक्स मार्फत मैत्रीपूर्ण देशहरूको अनुरोध र पछिल्लो सहमतिलाई ध्यानमा राख्दै टोलीलाई अनुमति दिएको बताएको छ। विशेषगरी श्रीलंकाका राष्ट्रपति अनुर कुमार दिसानायके र पाकिस्तानका प्रधानमन्त्री शहबाज शरीफबीचको टेलिफोन वार्ताले यो गतिरोध अन्त्य गर्न मुख्य भूमिका खेलेको हो।
पीसीबी अध्यक्ष मोहसिन नक्वीले प्रधानमन्त्रीलाई आईसीसी, बंगलादेश क्रिकेट बोर्ड (बीसीबी) र पीसीबीबीच भएको उच्चस्तरीय छलफलको निष्कर्षबारे जानकारी गराएका थिए। श्रीलंका, यूएई र बंगलादेशले क्रिकेटको हित र समाधानका लागि पाकिस्तानलाई नेतृत्वदायी भूमिका खेल्न आग्रह गरेका थिए।
यस निर्णयसँगै बंगलादेश क्रिकेट बोर्डले पाकिस्तानप्रति आभार व्यक्त गरेको छ भने पाकिस्तानले पनि बंगलादेशसँगको साथ सदैव रहने प्रतिबद्धता जनाएको छ। विश्वभरका क्रिकेट प्रेमीहरूले व्यग्रताका साथ पर्खिएको यो महाभिडन्त अब कोलम्बोमा रोमाञ्चक हुने अपेक्षा गरिएको छ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस