बुटवल । ८ मार्च – अन्तर्राष्ट्रिय नारी दिवसको अवसर पारेर हायात प्लेस बुटवलले आफ्ना सबै महिला कर्मचारीहरूको अथक समर्पण, प्रतिबद्धता र कार्यस्थलमा उनीहरूले ल्याउने सकारात्मक ऊर्जा तथा प्रेरणादायी भूमिकाप्रति हार्दिक कृतज्ञता व्यक्त गरेको छ।

कम्पनीले महिला कर्मचारीहरूले संस्थाको निरन्तर वृद्धि, सफलता तथा उत्कृष्ट ग्राहक सन्तुष्टिमा पुर्‍याएको महत्त्वपूर्ण प्रभाव र अमूल्य योगदानको उच्च प्रशंसा गरेको छ। उत्कृष्ट अतिथि सत्कारदेखि व्यवस्थापनको नेतृत्वदायी भूमिकासम्म उहाँहरूको मेहनतले होटलको सेवास्तरलाई विश्वस्तरीय बनाउन महत्वपूर्ण भूमिका खेलेको हायात प्लेस बुटवलले जनाएको छ।

हायात प्लेस बुटवलले सधैं कार्यस्थलमा विविधता र समावेशीतालाई प्राथमिकता दिँदै आएको छ। हाल यस होटलमा ४७ जना महिला कर्मचारी कार्यरत छन्, जुन कुल कर्मचारी संख्याको करिब ३० प्रतिशत हो। यसले कार्यस्थलमा महिला सशक्तीकरण र समान अवसरप्रतिको होटलको अटल प्रतिबद्धतालाई स्पष्ट रूपमा झल्काउँछ।

होटलकी मार्केटिङ म्यानेजर सिम्रन सापकोटा भन्छिन्,“हायात प्लेस बुटवलले महिलाहरूलाई नेतृत्व गर्न र आफ्ना रचनात्मक विचारहरू अघि बढाउन सधैं प्रोत्साहन गर्छ। यहाँको कार्य वातावरण अत्यन्त सुरक्षित र सहयोगी छ, जसले हामीलाई निर्धक्क भएर आफ्नो उत्कृष्ट क्षमता प्रदर्शन गर्न र व्यावसायिक रूपमा अगाडि बढ्न निरन्तर प्रेरणा दिन्छ।”

एसोसिएट डाइरेक्टर अफ सेल्स निशा जी।टी। का अनुसार,“व्यापार तथा सेल्स जस्तो चुनौतीपूर्ण क्षेत्रमा महिला नेतृत्वलाई यहाँ उच्च सम्मान र विश्वास गरिन्छ। हायात प्लेस बुटवलको समावेशी नीति र महिला–मैत्री कार्यस्थलले हामीलाई बिना हिचकिचाहट हरेक दिन नयाँ उचाइ छुन र निर्णय लिने तहमा सशक्त भूमिका निर्वाह गर्न मद्दत गरेको छ।”

असिस्टेन्ट फ्रन्ट अफिस म्यानेजर कृति सिंह भन्छिन्,“अतिथि सत्कारको फ्रन्ट अफिसमा काम गर्दा महिलाहरूका लागि सुरक्षा र सहजता अत्यन्त महत्त्वपूर्ण हुन्छ। हायात प्लेस बुटवलले हामीलाई परिवारजस्तै अपनत्व र सुरक्षित वातावरण प्रदान गरेको छ। यहाँको आपसी सहयोगको भावनाले हाम्रो आत्मविश्वासलाई सधैं उच्च राख्छ।”

रिक्रिएसन म्यानेजर लाल्तानपुइका अनुसार,“यहाँको कार्य वातावरणले कर्मचारीहरूको शारीरिक तथा मानसिक स्वास्थ्य तथा सन्तुष्टिलाई विशेष प्राथमिकता दिन्छ। एक महिलाको रूपमा म यहाँ निकै सहज र सुरक्षित महसुस गर्छु, किनकि व्यवस्थापनले हाम्रो व्यक्तिगत र व्यावसायिक जीवनको सन्तुलनलाई सधैं सम्मान गर्छ।”

हायात प्लेस बुटवलले भविष्यमा पनि महिला सशक्तीकरणलाई प्रवर्द्धन गर्दै महिला–मैत्री, सुरक्षित तथा सम्मानजनक कार्य वातावरण निर्माण गर्न निरन्तर प्रतिबद्ध रहने जनाएको छ।