सौरहामा टाटा पेन्ट्सको भव्य डिलर मिट

सुनौलो नेपाल

बुधवार , बैशाख २३, २०८३

चितवन । हरियालीले सुसज्जित सौरहाको शान्त परिवेशमा टाटा पेन्ट्सका डिलरहरूबीच आत्मीय भेटघाट र सहकार्यको सुन्दर संगम देखियो। प्रदेश १ का डिलरहरूलाई लक्षित गर्दै आयोजित डिलर मिट उत्साह, संवाद र भविष्यप्रतिको आशाले भरिएको रह्यो।

कार्यक्रममा कम्पनीले आफ्ना आगामी योजना, बजार विस्तारका रणनीति र गुणस्तर अभिवृद्धिका लक्ष्यहरू प्रस्तुत गर्दै सहकार्यलाई अझ मजबुत बनाउने प्रतिबद्धता व्यक्त गर्‍यो। डिलरहरूबीच अनुभव आदान–प्रदान र विश्वासको सम्बन्ध थप प्रगाढ बनाउने वातावरण सिर्जना भएको थियो।

उक्त अवसरमा ब्रान्ड एम्बेसडर श्रृष्टि खड्काको उपस्थितिले कार्यक्रमलाई अझ आकर्षक बनाएको थियो। दुई दशकभन्दा लामो यात्रामा अगाडि बढिरहेको टाटा पेन्ट्सले अब अझ व्यापक लगानी र विस्तारको दिशामा अघि बढ्ने संकेत दिएको छ।