बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
आइतवार , जेठ ३, २०८३
सुर्खेत । नेपाली कम्युनिस्ट पार्टी (नेकपा)का संयोजक पुष्पकमल दाहाल ‘प्रचण्ड’ले वर्तमान सरकार सही दिशामा नबढेको आरोप लगाउँदै जनस्तरबाट प्रतिवादको अवस्था आउन सक्ने चेतावनी दिएका छन् ।
आइतबार सुर्खेतको वीरेन्द्रनगरमा आयोजित पत्रकार सम्मेलनमा बोल्दै उनले सरकारका पछिल्ला गतिविधिप्रति गम्भीर प्रश्न उठेकाले अब समर्थन गर्न नसकिने स्पष्ट पारे ।
उनले सरकारले सुकुमबासी, ट्रेड युनियन र विद्यार्थीका समस्या समाधान गर्न चासो नदिएको र संविधान संशोधनसम्बन्धी बहसलाई समेत पारदर्शी ढंगले अगाडि नबढाएको आरोप लगाए ।
संसद् चलिरहेको अवस्थामा त्यसलाई छलेर अध्यादेशमार्फत शासन चलाउन खोजेको भन्दै उनले सरकारको नियतमाथि गम्भीर प्रश्न उठाएका छन् । ‘आफ्नै दुई तिहाइ नजिकको समर्थन हुँदा पनि नियमित प्रक्रियाबाट विधेयक नल्याई अध्यादेशको बाटो रोज्नु लाजमर्दो कुरा हो,’ प्रचण्डले भने ।
सुरुवाती दिनमा सरकारका केही काम सकारात्मक देखिए पनि पछिल्ला गतिविधिले समर्थन गर्ने सबै आधार समाप्त गरिदिएको दाबी प्रचण्डको छ । उनले सरकारले आफ्नो कार्यशैली नसच्याएनेकपा शान्त नबस्ने संकेत गरे ।
लोकतन्त्र, संविधान र जनअधिकारमाथि कतैबाट पनि आँच आउने काम भएमा आफ्नो पार्टीले सडक र सदन दुवै मोर्चाबाट सशक्त प्रतिवाद गर्ने उनले चेतावनी दिए ।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस