काठमाडौं । अस्ट्रेलियामा बिहीबार भएको दोस्रो अभ्यास खेलमा पनि नेपाल साउथ अस्ट्रेलियासँग ३ रनले पराजित भएको छ ।
साउथ अस्ट्रेलियाले दिएको १६१ रनको लक्ष्य पछ्याएको नेपालले १५७ रन मात्र बनाउन सक्यो ।
नेपालका लागि रुपेश सिंहले ३७ रन बनाए । लोकेश बमले ३२ रन बनाए ।
त्यसअघि पहिला ब्याटिङ गरेको साउथ अस्ट्रेलियाले निर्धारित २० ओभरमा ८ विकेट गुमाएर १६० रन बनाएको थियो ।
बलिङमा नेपालका रुपेश सिंह र करण केसीले समान २–२ विकेट लिए ।
आजै भएको पहिलो अभ्यास खेलमा नेपाल साउथ अस्ट्रेलियासँग ३ विकेटले पराजित भएको थियो ।
प्रतिक्रिया दिनुहोस