बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
सोमवार , मंसिर १, २०८२
काठमाडौं । मक्काबाट मदिनातर्फ जाँदै गरेको बस दुर्घटनामा ४२ भारतीय यात्रुहरूको मृत्यु भएको छ। साउदी अरबमा सोमबार हैदराबादका यात्रुहरूलाई मक्काबाट मदिना लैजाँदै गरेको बस दुर्घटनामा परेको हो। मृतकमध्ये २० महिला र ११ बालबालिका रहेका छन्।
स्थानीय सञ्चारमाध्यमका अनुसार बस डिजेल ट्याङ्करसँग ठोक्किएपछि आगो लागेको थियो। प्रारम्भिक रिपोर्टअनुसार मृत्यु हुने सबै भारतीय नागरिक छन्। धेरैजसो यात्रुहरू हैदराबादबाट तीर्थयात्राका लागि गएका थिए।
दुर्घटना मदिनाबाट करिब १६० किलोमिटर टाढा मुहरास नजिक भारतीय समयअनुसार राति करिब १ः३० बजे भएको थियो। अधिकांश यात्रुहरू सुतिरहेको अवस्थामा दुर्घटना भएकोले आगो फैलिँदा मानवीय क्षति बढेको बताइएको छ।
तेलंगाना सरकारले रियादस्थित भारतीय दूतावाससँग लगातार सम्पर्कमा रहेको छ। मुख्यमन्त्री रेवन्त रेड्डीले दिल्लीस्थित अधिकारीहरूलाई दूतावाससँग समन्वय गरी पीडितहरूको पहिचान र अन्य औपचारिकतामा सहयोग गर्न निर्देशन दिएका छन्।
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस