कृष्ण पौडेल/काठमाडौँ ।

चन्द्रमा !

तिमी को हौ...?

कहिले काही यस्तो लाग्छ

तिम्रो पनि एउटा अधुरो कथा छ

जुन तिमी हरेक रात

प्रकाशको आडमा भन्छौ।

तिम्रो आकार घटदै जादा

शब्दहरू असफल हुँदा कोही चुप लागेर बस्नु जस्तै हो।

तिम्रो आकार बडदै जादा

जस्तै कोही प्रेममा फर्किरहेको छ - जुन छोड्न सकिँदैन।

तिमी धेरै टाढा छौ

तर तिमी हरेक झ्यालमा भेटिन्छौ

जस्तै एउटा सम्झना - जसलाई बिर्सनु अघि अलि बढी महसुस गर्न आवश्यक छ।

चन्द्रमा,

सायद तिमी प्रेम होइनौ

सायद तिमी त्यो ठाउँ हौ

जहाँ प्रेम सधैं फक्रन्छ ।