‘पिएसपिपी’बाट देशको आर्थिक उन्नयनमा योगदान पुग्छ : अध्यक्ष ढकाल

सुनौलो नेपाल

शनिवार , चैत्र २१, २०८२

‘पिएसपिपी’बाट देशको आर्थिक उन्नयनमा योगदान पुग्छ : अध्यक्ष ढकाल

भैरहवा (रुपन्देही) । नेपाल उद्योग वाणिज्य महासङ्घका अध्यक्ष चन्द्रप्रसाद ढकालले निजी क्षेत्र संरक्षण तथा प्रवर्द्धन योजना (पिएसपिपी) को स्वागत गर्दै त्यसले देशको आर्थिक उन्नयनमा योगदान पुग्ने विश्वास व्यक्त गरेका छन् ।

नेपाल उद्योग वाणिज्य सङ्घ लुम्बिनी प्रदेशको भैरहवामा भएको आठौँ सभामा उनले उक्त योजना निजी क्षेत्रको मनोबल उकास्ने लक्ष्यका साथ सरकारले प्रस्तुत गरेको बताउँदै त्यसलाई निजी क्षेत्रले सकारात्मक ठानेको उल्लेख गरे ।

“हामीले वर्षौँदेखि निजी क्षेत्रको सुरक्षा र प्रवर्द्धनका लागि ठोस कार्ययोजनाको माग गर्दै आएका थियौँ”, उनले भने, “सरकारले हाम्रो प्रस्तावलाई स्वीकार गरेकामा हामी आभारी छौँ ।”