चक्रपथ दोस्रो खण्ड विस्तारका लागि चीनसँग सम्झौता, चीनले ११ अर्ब रुपैयाँ अनुदान उपलब्ध गराउने

सुनौलो नेपाल

बुधवार , बैशाख १६, २०८३

चक्रपथ दोस्रो खण्ड विस्तारका लागि चीनसँग सम्झौता, चीनले ११ अर्ब रुपैयाँ अनुदान उपलब्ध गराउने

काठमाडौँ । चक्रपथ विस्तारको दोस्रो चरण अन्तर्गत सहायता सम्बन्धी सम्झौता बुधबार औपचारिक रूपमा सम्पन्न भएको छ । भौतिक पूर्वाधार तथा यातायात तथा सहरी विकास मन्त्री सुनिल लम्साल र नेपालका लागि चिनियाँ राजदूत झांग माओमिंगबीच उक्त सम्झौता पत्रमा हस्ताक्षर गरिएको भौतिक पूर्वाधार तथा यातायात मन्त्री लम्सालको सचिवालयले जनाएको छ ।

सम्झौताअनुसार, चक्रपथ विस्तारको दोस्रो चरणमा कलङ्कीदेखि बसुन्धारा सम्मको ८ दशमलव २ किलोमिटर सडक तथा पुल निर्माण गरिनेछ। यस परियोजनाका लागि चीन सरकारले करिब ११ अर्ब रुपैयाँ अनुदान उपलब्ध गराउनेछ ।

यसअघि सन् २०१९ देखि सुरु गरिएको पहिलो चरणमा कोटेश्वरदेखि कलङ्कीसम्मको सडक विस्तार सम्पन्न भइसकेको छ । सम्झौतापछि मन्त्री लम्सालले परियोजना कार्यान्वयनका क्रममा समस्या उत्पन्न भए एक दिनमै समाधान गर्दै आवश्यक सहजीकरण गरिने प्रतिबद्धता व्यक्त गरे ।