बिहिवार, जेठ २१ गते २०८३
बिहिवार, जेठ २१ गते २०८३
बिहिवार, जेठ २१ गते २०८३
बिहिवार , पौष १८, २०८१
काठमाडौँ । सांसद ज्ञानेन्द्र शाहीले बाल गायक सचिन परियारको मृत्युले हाम्रो समाजमा विद्यमान संवेदनहीनता र लोभको तितो यथार्थलाई उजागर गरेको बताएका छन् । सांसद शाहीले सचिनको निधन भएपछि सामाजिक सञ्जाल फेसबुकमार्फत यस्तो बताएका हुन् ।
उनले केही बिचौलिया र उनका आफ्नै बुवाले समेत दर्शक संख्या, प्रसिद्धि, र आर्थिक फाइदालाई प्राथमिकता दिँदै उनको वास्तविक आवश्यकतालाई बेवास्ता गरेको बताएका छन् ।
साथै, यो घटनाले समाजमा मानवियता, नैतिकता र साँचो मूल्यहरूको आवश्यकता औंल्याएको उनले बताएका छन् ।
उनले भनेका छन्, ‘सचिनको मृत्युले हाम्रो समाजमा विद्यमान संवेदनहीनता र लोभको तितो यथार्थलाई उजागर गरेको छ। केही बिचौलिया र उनका आफ्नै बाबुले समेत दर्शक संख्या, प्रसिद्धि, र आर्थिक फाइदालाई प्राथमिकता दिँदै, उनको वास्तविक आवश्यकतालाई बेवास्ता गरे। गम्भीर समस्याहरूको सामना गरिरहँदा सचिन एक्लै भए ,जसका कारण उनको असामयिक निधन भयो।
यो घटनाले समाजमा मानवियता, नैतिकता, र साँचो मूल्यहरूको आवश्यकता औंल्याएको छ। हामीले आज मानव भएर पनि असफलताको अनुभूति गर्नुपरेको छ।
सचिनको आत्माले चिरशान्ति पाओस!!’
सचिनको बिहीबार बिहान उपचारको क्रममा निधन भएको हो । महाराजगन्जस्थित त्रिवि शिक्षण अस्पतालका अनुसार निमोनियाका कारणले सचिनको निधन भएको हो ।
यो पनि :
Be the first to comment!
© 2026 All right reserved to sunaulonepal.com
Design & Developed By
प्रतिक्रिया दिनुहोस